xN2014logono122net



,,Leggjum áherslu á að ná tveimur bæjarfulltrúum." 18.05.2014

Árni Einarsson, oddviti Neslistans, segir mikilvægt að listinn nái a.m.k. tveimur bæjarfulltrúum í sveitarstjórnarkosningunum um mánaðarmótin. ,,Þannig náum við meiri þunga í málflutning okkar og getum fylgt málum betur eftir.“ Árni segir Neslistann ekki gera út á sértæk kosningaloforð. Stefnan sé skýr og Neslistinn hafi í 24 ár verið málsvari félagshyggju, jafnréttis, umhverfisverndar og íbúalýðræðis á Seltjarnarnesi. Það muni ekki breytast.

,,Neslistinn vill byggja upp fjölbreytt samfélag og mannlíf á Seltjarnarnesi með félagshyggju, jafnrétti, lýðræði, umhverfisvernd  og opna stjórnsýslu að leiðarljósi. Við leggjum áherslu á að halda úti háu þjónustustigi og að virkja íbúa til þátttöku við stefnumörkun og ákvarðanir í málefnum bæjarins,“ segir Árni.

,,Við leggjum nú, eins og undanfarin kjörtímabil, áherslu á að skapa ungu fjölskyldufólki eftirsóknarverðar aðstæður til búsetu á Nesinu. Til þess þurfa þjónustugjöld vegna barna og ungmenna, s.s. leikskólagjöld, að vera með þeim lægstu á höfuðborgarsvæðinu og hægt að bjóða upp á framúrskarandi skóla og æskulýðs- og íþróttastarf. Við munum áfram beita okkur fyrir málefnalegri umræðu um bæjarmálin.“

Stefna og málefnaskrá Neslistans á Seltjarnarnesi vegna sveitarstjórnarkosninganna 31. maí næstkomandi hefur verið birtur á vefsíðunni www.xn.is

Til baka...